Original: Mr. Brightside, The Killers
Pälzer Text: Christoph Erbach
Des war de Ofang vum End
Do wu sich kenner mehr kennt
Licht oo, Licht aus,
alles is egal
Die macht n Krach heit, die Bänt
Wees net wuhie mit de Händ
Werd schunn glei widder geh,
des werd schunn widder geh
Debei wollt ich heit nur korz
Emol beim Woifeschd vorbei
Net lang, net lang,
net wie letschdie Woch
Ich bleib heit drausse mol steh
Geh net ins Zelt zur Musik
Doch ward e mol halt,
ich glaab ich kenn doch die…
…Melodie, die geht net aus moim
Kopp naus, wie kam die jetz do
noi?
Verlange batscht sich mit‘rer Mahnung:
Wie werd des morge soi?
Aarering, Essensreschde uffem Kinn, Hemm vun geschdern,
Uff de Hos, en Rieseplacke Broodesooß, ich schämm mich arg fer,
wie ich redd, de Suff hot mer die Sprooch verdreht
Ich glaab, dass ich heit liege bleib
Ich kann net unner Leit heit
Der Daag denooch, fer die Katz
Unn fer de Kader dezu
Bett naus, Bett noi,
Kaum vergeht die Zeit
Unn allem Elend zum trotz
steig ich am Noochmiddag uff
Liewer Gott, steht mer bei
Ohh Liewer Gott, steh mer bei
Ich glaab, mim Messer im Kopp
Deht mers viel schlechter net geh
Ich quäl mich jetz e mol naus
Weil ich vergesse hab
Mir zwää hänn heit noch e Date
Ich drick es Radio o
Do werd mas pletzlich ganz klar,
Weil des is doch die…
…Melodie, die geht net aus moim
Kopp naus, wie kam die jetz do
noi?
Erschöpfung batscht sich mit‘rer Mahnung:
So willschd du drausse soi?
Aarering, Essensreschde uffem Kinn, Hemm vun geschdern,
Uff de Hos, en Rieseplacke Broodesoos, ich schämm mich arg fer
wie ich redd, de Suff hot mer die Sprooch verdreht
Ich glaab, dass ich heit liege bleib
Ich kann net unner Leit heit
Nie widder
Nie widder
Nie widder
Nie widder
