Original: Wham! - Last Christmas
Pfälzer Text: Christoph Erbach
Letschdie Woinacht
Hab ich dir moi Herz gschenkt
Unn dass du des ned willscht
Hätt ich net gedenkt
Des Joor
Kummt des nimmi vor
Do geb ischs jemand bsunnrem
Isch wees noch als wärs erschd geschdern passiert
Du hoschd verdrämt in doim Kaffee geriert
Misch ogeguggt, unn e bissl gelacht
Faschd wär mers Herz ausenanner gekracht
Wer misch kennt der wees, ich bin en schichterne Bu
Doch der Blick aus doinre Aage liess mer eefach kä Ruh
Hock misch an doin Disch unn hab en Kaffee beschdellt
Ab do warschd du de Mittelpunkt moinre Welt
Am nägschde Morje wusst ich erschd ned wu ich bin
Ich mach die Aache uff nun denk mer, "Bu, du schbinnschd"
Des is ned doi Bett, unn a im Reschd vun dem Haus
wees isch net bescheid, wu gehts donn bitte do naus?
An de Där do hängt n Zeddl von dir
Es däd dir Leid, awwer du kannschd nix defir
Mer kenn uns nimmi sehe, weil des net schicklich is
Wenn e mädel aussem saarland mit em pälzer sich trifft