Musik: Fine R.I.P.
Pfälzer Text: Christoph Erbach

Urlaub in Norddaitschland
14 Daach emol fort
Kilomederlanger Strand
Es gebt kenn oisamre Ort
In enret Strandbud hoff isch
Uff was warmes zu dringe
Mit gfrorne Finger kann isch
Ned mol zum bschdelle mehr winge

Unn dann guck ich mich mol rischdisch um
Mit offnem Aag dreh ich misch emol rum
Isch seh die Leid, mir drickts im Maage
Was misch bewegt trau isch misch ned zu saache:

Kumm doch, kumm mit
Geb mir doi Hand ich zeig der ´s Paradies
Kumm doch, kumm mit
Kumm mit ins Land wu de Woi wie Wasser fließt
Du hoschd schun viel vun de Welt gseh
Vun Moskau bis New York
Awwer des allerbeschde
Hoschd dir noch uffgespart
Kumm mit

Strophe 02:
Iwwer die Feierdaach
Wollt sisch moi Fraa mol verdrigge
Do, saacht se, kenn mer aach
Vun Spanie Poschdkaade schigge
Die Landschaft, wie im Draam:
Wu´d hieguggschdt Sunn un kenn Schadde
Die Hitz legt alles lahm
Mir schmelzn die Badeschlabbe

Unn dann guck ich mich mol rischdisch um
Mit offnem Aag dreh ich misch emol rum
Isch seh die Leid, mir drickts im Maage
Was misch bewegt trau isch misch ned zu saache:

Kumm doch, kumm mit
Geb mir doi Hand ich zeig der ´s Paradies
Kumm doch, kumm mit
Kumm mit ins Land wu de Woi wie Wasser fließt
Du hoschd schun viel vun de Welt gseh
Vun Moskau bis New York
Awwer des allerbeschde
Hoschd dir noch uffgespart
Kumm mit

Frensem, Dergem, Frangedahl
Speyer, Neistadt, Sulzbachdaal,
Landau, Hassloch, Otterstadt
Bitte, bring misch häm, isch hab de Urlaub satt!

LIEDTEXTE

 

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.